Í dag: fótbolti, blak, handbolti og körfubolti

Akureyrskir íþróttamenn verða í eldlínunni á nokkrum vígstöðvum í dag; á dagskrá er knattspyrna, blak, handknattleikur og körfuknattleikur. Allir leikir eru í heimabænum nema hvað Þórsarar sækja Sauðkrækinga í Tindastóli heim í bikarkeppni kvenna í körfubolta.

• Kjarnafæðimótið í knattspyrnu, B-deild, A-riðill karla
  Boginn kl. 13
  Þór4 - Tindastóll

- - -

HK vann KA í KA-heimilinu í gær í fyrri toppslag helgarinnar í Unbroken-deild kvenna í blaki. Liðin eru þar með jöfn á toppi deildarinnar en mætast aftur í dag. Leikurinn fór 3:0 (16:25, 21:25, 23:25).

• Unbroken-deild kvenna í blaki
  KA-heimilið kl. 14
  KA - HK

- - -

Karlalið Þórs í handboltanum tekur í dag á móti Eyjamönnum 

• Olísdeild karla í handknattleik
  Íþróttahöllin á Akureyri kl. 15
  Þór - ÍBV
  

ÍBV er í 6. sæti deildarinnar með 15 stig eftir 14 umferðir en Þór í 11. sæti með 7 stig. Eyjamenn unnu fyrri viðureign liðanna sem fram fór í Eyjum í lok september, 30-24.

- - -

• Kjarnafæðimótið í knattspyrnu, A-deild karla
  Boginn kl. 15
  Völsungur - Þór2

- - -

Kvennalið Þórs í körfuknattleik hefur siglt nokkuð auðveldlega í gegnum fyrstu átta leiki sína í 1. deildinni það sem af er tímabili, unnið alla leikina og flesta þeirra með miklum mun. Í dag er hins vegar komið að öllu erfiðara en um leið spennandi verkefni því Þórsliðið sækir Sauðkrækinga heim í 16 liða úrslitum bikarkeppninnar.

Skemmst er að minnast þess að Þórsliðið fór í undanúrslit í keppninni síðast og úrslitaleik 2024.

• VÍS-bikar kvenna í körfuknattleik
  Íþróttahúsið á Sauðárkróki kl. 16:30
  Tindastóll - Þór

Lið Tindastóls spilar í Bónusdeildinni og er þar í 8. sætinu eftir tíu umferðir, hefur unnið þrjá leiki.