Frönsk kvikmyndahátíð hefst á morgun

Frönsk kvikmyndahátíð hefst á Akureyri á morgun, þriðjudag, og stendur til sunnudags. Fimm myndir eru á dagskránni, hver sýnd einu sinni, og verða sýningar í Sambíóunum, á Amtsbókasafninu og í Listasafninu.

Enginn aðgangseyrir er á hátíðina en fyrir sýningar í Sambíóunum þarf að skrá sig.

Franska kvikmyndahátíðin er haldin í samstarfi við Bíó Paradís og Sambíóin og skipulögð af sendiráði Frakklands á Íslandi, Alliance Francaise de Reykjavík, Institut Français og Akureyrarbæ.

ÞRIÐJUDAG 10. FEBRÚAR

• La Femme la plus riche du monde – Ríkasta kona í heimi
  Sambíóin. UPPSELT ER Á SÝNINGUNA.

„Innblásin af hneykslismáli L’Oréal-arftakans, fjallar myndin um snyrtivörudrottninginuna Marianne Farrère (Isabelle Huppert) sem hleypir heillandi ljósmyndara inn í líf sitt. Dásamleg vinátta tekur háhælaðan svikadans, þar sem jafnvel ríkasta kona heims getur misst jafnvægið,“ segir í kynningu.  

Myndin er eftir Thierry Klifa. Sjá stiklu úr myndinni hér.

MIÐVIKUDAG 11. FEBRÚAR

• L'Inconnu de la Grande Arche – Boginn mikli
  Sambíóin kl. 17.00. Franskt tal og íslenskur texti.

Ókeypis inn en nauðsynlegt að skrá sig hér.

„Hér er á ferðinni saga um arkitekt sem barðist gegn kerfinu til að koma sýn sinni í framkvæmd á stórvirki rétt utan við París. Ómissandi drama með dönsku stórleikurunum Claes Bang og Sidse Babett Knudsen og kanadíska leikstjóra/leikaranum Xavier Dolan í aðalhlutverkum,“ segir í kynningu frá hátíðinni.

Myndin er eftir Stéphane Demoustier. Sjá stiklu úr myndinni hér.

FIMMTUDAG 12. FEBRÚAR

• La Haine  – Hatrið
  Sambíóin kl 17.00. Franskt tal og enskur texti

Ókeypis inn en nauðsynlegt að skrá sig hér.

„Spennuþrunginn sólarhringur í lífi þriggja ungra manna í frönsku úthverfunum daginn eftir óeirðir,“ segir í kynningu. Myndin er eftir Mathieu Kassovitz. – Sjá stiklu úr myndinni hér.

LAUGARDAGUR 14. FEBRÚAR

• Maya, donne-moi un titre – Maya, gefðu mér titil
  Amtsbókasafnið á Akureyri kl. 13.00. Fransk tal og íslenskur texti.

„Maya og pabbi hennar, Michel Gondry, búa í tveimur ólíkum löndum. Á hverju kvöldi spyr hann hana: „Maya, gefðu mér titil.“ Svar hennar er grunnur að mörgum stuttum hreyfimyndum þar sem Maya er hetjan. Niðurstaðan er ljóðræn og skemmtileg saga sem býður áhorfendum á að dreyma og nýta ímyndunaraflið,“ segir í kynningu frá hátíðinni.

Myndin er eftir Michel Gondry. – Sjá stiklu úr myndinni hér.

SUNNUDAGUR 15. FEBRÚAR

• L’Histoire de Souleymane – Saga Souleymane
  Listasafnið á Akureyri kl. 17.00. Franskt tal og enskur texti.