Gervigreind - pistlar

100 ára Landhelgisgæsla í öndvegi á Flugdeginum

Skapti Hallgrímsson skrifar 20. júní 2026 | kl. 06:00

Mynd: Hörður Geirsson

Aldarafmæli Landhelgisgæslu Íslands er fagnað á þessu ári og í tilefni þeirra tímamóta verður Gæslan í öndvegi á árlegum Flugdegi Flugsafns Íslands sem haldinn er í dag.

Safnið er á Akureyrarflugvelli eins og flestum er vonandi kunnugt. Svæðið verður opnað klukkan 13.00 og hátíðin stendur til kl. 16.00.

Logi Einarsson menningarmálaráðherra setur Flugdaginn og síðan verður dagskrá á vegum Landhelgisgæslunnar, í tilefni afmælisins, áður en glæsileg flugsýning hefst kl. 14.00.

Gengið er inn um aðalinngang Flugsafnsins. Aðgangseyrir er 1.000 krónur fyrir 13 ára og eldri. Tekið er fram í tilkynningu að gæludýr séu ekki leyfð á svæðinu. Og til að stytta biðröðina inn á svæðið „verður miðasalan tvískipt, önnur fyrir þau sem greiða með reiðufé og hin fyrir þau sem greiða með korti.“