Úrslitaleikur 5. deildar og annað skemmtilegt
Handboltavertíðin er hafin, fyrsta umferð í Olísdeildum karla og kvenna gengin um garð. KA komið með fyrsta sigurinn, en Þór og KA/Þór töpuðu sínum viðureignum í fyrstu umferðinni. SA-konur hófu leik í Toppdeildinni um liðna helgi með sigri á Íslandsmeisturum SR og eiga heimaleik aftur um næstu helgi.
Fótboltinn er svo enn á fullu og kaflaskil bæði hjá konum og körlum því hefðbundnum deildakeppnum er lokið og Bestu deild kvenna og karla tvískipt fyrir lokakaflann. Leikjadagskráin loksins komin í ljós hjá körlunum eftir mikla spennu í báðum deildum undanfarið, en aðeins eftir að staðfesta leikdaga hjá konunum.
Akureyrarliðið Hamrarnir tryggði sér um liðna helgi sæti í 4. deildinni að ári. Hamrarnir og Smári mættust í undanúrslitum. Eftir 2-2 jafntefli á útivelli í fyrri leiknum mættust liðin á Akureyri á laugardag og þar var jafnt, 1-1, að loknum 90 mínútum. Hamrarnir tryggðu sér síðan 3-2 sigur með tveimur mörkum í framlengingu. Tvö lið fara upp úr 5. deildinni og með sigrinum á Smára tryggðu Hamrarnir sér sæti í 4. deildinni, ásamt Skallagrími, sem hafði betur gegn Stokkseyringum, einnig í framlengingu. Hamrarnir og Skallagrímur mætast í úrslitaleik um deildarmeistaratitil 5. deildar á Akureyri á laugardag.
FIMMTUDAGUR 10. SEPTEMBER - handbolti
Fyrsti heimaleikur Þórs í Olísdeildinni á dagskrá á fimmtudagsvköld. Akureyri.net hefur nú þegar hitað upp fyrir handboltann með umfjöllun og viðtölum við þjálfara - sjá hér.
- Handbolti
Olísdeild karla, 2. umferð
Íþróttahöllin á Akureyri kl. 19
Þór - HK
FÖSTUDAGUR 11. SEPTEMBER - handbolti
KA byrjar Olísdeildina á tveimur útileikjum, vann HK í fyrstu umferðinni og sækir Víkinga heim í Safamýrina á föstudagskvöld. Akureyri.net hefur nú þegar hitað upp fyrir handboltann með umfjöllun og viðtölum við þjálfara - sjá hér.
- Handbolti
Olísdeild karla, 2. umferð
Virkið í Safamýri kl. 20:15
Víkingur - KA
LAUGARDAGUR 12. SEPTEMBER - fótbolti, íshokkí, handbolti
Það er ekki á hverjum degi sem úrslitaleikir eru spilaðir á Akureyri, en einn slíkur er á dagskrá á laugardaginn þegar liðin sem færast úr 5. deild upp í þá fjórðu bítast um deildarmeistaratitil 5. deildar.
- Fótbolti
5. deild karla, úrslitaleikur
KA-völlur (Greifavöllurinn) kl. 15
Hamrarnir - Skallagrímur
Annar heimaleikur á dagskrá hjá SA-konum á laugardag eftir öruggan sigur á Íslandsmeisturunum í fyrsta leik.
- Íshokkí
Toppdeild kvenna
Skautahöllin á Akureyri kl. 16:45
SA - Fjölnir
Heimaleikur hjá KA/Þór á laugardag í 2. umferð Olísdeildarinnar. Liðið hóf keppni í Olísdeildinni um liðna helgi með heimsókn til Vestmannaeyja, en akureyri.net mun hita upp og fara yfir veturinn hjá KA/Þór í aðdraganda leiksins á laugardaginn.
- Handbolti
Olísdeild kvenna, 2. umferð
KA-heimilið kl. 17
KA/Þór - Haukar
SUNNUDAGUR 13. SEPTEMBER - fótbolti
Bæði Akureyrarliðin í Bestu deild karla hefja leik í neðri hlutanum sunnudaginn 13. september og eiga þá bæði útileik.
- Fótbolti
Besta deild karla, neðri hluti, 1. umferð
Kaplakrikavöllur í Hafnarfirði kl. 14
FH - KA - Fótbolti
Besta deild karla, neðri hluti, 1. umferð
Valsvöllur (N1 völlurinn að Hlíðarenda) kl. 14
Valur - Þór
Stöður í deildum og leikjadagskrár
Fótbolti
- Besta deild kvenna - neðri hluti | KSÍ
- Besta deild karla - neðri hluti - | KSÍ
- 5. deild karla 2026 - Úrslit | KSÍ
Handbolti
Íshokkí
Lesendur eru hvattir til að minna á íþróttaviðburði hvers kyns sem fram undan eru í meistaraflokkum, sérstaklega ef eitthvað verður út undan og gleymist í þessari vikulegu yfirferð í vikubyrjun hér á akureyri.net – sendið tölvupóst í haraldur@akureyri.net ef koma þarf slíkum upplýsingum á framfæri.
