Skemmtilegur þáttur um Söndru Maríu

Fylgst er með Söndru Maríu Jessen, fyrirliða Þórs/KA, í nýjasta Leikdeginum, þætti sem framleiddur er af Recmedia fyrir Bestu deildina. Í þáttunum er skyggnst á bak við tjöldin á leikdegi, eins og nafnið gefur til kynna.

Sandra María hefur farið hamförum í Bestu deildinni í sumar og er langmarkahæst; hefur skorað 15 mörk í 12 leikjum en þær sem næst markahæstu hafa gert sjö mörk.

Þættirnir eru birtir á Vísi og sá sem hér um ræðir fór í loftið í gær. Smellið hér eða á myndina að neðan til að horfa á þáttinn.