KA-menn í 8 liða úrslit bikarkeppninnar

KA-menn eru komnir í átta liða úrslit bikarkeppninnar í handbolta eftir sigur á Fjölni úr næst efstu deild, í Reykjavík í kvöld. 

Fyrri hálfleikurinn var jafn og spennandi en KA hafði tveggja marka forskot að honum loknum, 15:13. Litlu munaði áfram í seinni hálfleik, KA-menn þó lengst af skrefi á undan en þegar 10 mínútur voru eftir jöfnuðu Fjölnismenn, 22:22. KA-menn skiptu þá um gír og tryggðu sér nokkuð öruggan sigur.

Mörk KA: Dagur Árni Heimisson 8, Ott Varik 7, Einar Rafn Eiðsson 5, Jens Bragi Bergþórsson 3, Einar Birgir Stefánsson 2, Jóhann Geir Sævarsson 2.

Varin skot: Nicolai Horntvedt Kristensen 11, Bruno Bernat 3.

Smellið hér til að sjá alla tölfræðina.