Fara í efni
Íþróttir

Úrslitakeppnin úr sögunni – KA í fallhættu

Einar Rafn Eiðsson gerði 12 mörk í gær, þar af þrjú af vítalínunni. Hann er sem fyrr markahæstur í Olís deildinni. Ljósmynd: Skapti Hallgrímsson

Endanlega varð ljóst í gærkvöldi að KA-menn komast ekki í átta liða úrslitakeppni Íslandsmóts karla í handbolta. KA tapaði þá á heimavelli fyrir Aftureldingu, 34:28, í Olís deildinni.

Haukar, sem töpuðu í gær fyrir Gróttu, eru í áttunda sæti – því síðasta sem gefur sæti í úrslitakeppninni – og KA getur í besta falli náð Haukum að stigum. Það dygði þó ekki til því Haukar unnu báða leikina við KA í deildinni í vetur og innbyrðis viðureignir gilda verði lið jöfn að stigum.

Ekki nóg með að von um sæti í átta liða úrslitum sé fyrir bí heldur eru KA-menn enn í fallhættu. ÍR-ingar eru þremur stigum á eftir en eiga einn leiki til góða. KA ætti þó að halda sæti sínu í deildinni verði allt með felldu það sem eftir lifir deildarkeppninnar en tölfræðilega er það sem sagt ekki öruggt. Tvö neðstu liðin falla.

Neðstu liðin eru þessi; sæti, leikir og stig

  • 8.  Haukar  19  17
  • 9.  Grótta    19  15
  • 10. KA          19  11
  • 11.  ÍR            18  8
  • 12. Hörður  18   2

Leikir sem eftir eru 

Í kvöld:
ÍR – Stjarnan

Föstudag 31. mars:
FH – KA
Afturelding – ÍR

Miðvikudag 5. apríl:
KA – Fram
ÍR – FH

Mánudag 10. apríl:
Grótta – KA
Fram – ÍR

Smellið hér til að sjá leikskýrsluna.