Íþróttir
Komið að ögurstundum hjá karlaliði Þórs
05.03.2026 kl. 06:00
Christian Caldwell, til vinstri, og Pétur Cariglia verða í eldlínunni í kvöld þegar Þórsarar fá lið Hamars í heimsókn. Myndir: Guðjón Andri Gylfason.
Karlalið Þórs í körfubolta hefur verið í ströggli í 1. deildinni í vetur og setið í þriðja neðsta sæti deildarinnar lengst af. Lokaumferðirnar verða spennandi og mikilvægir leikir fram undan hjá Þórsurum því þeir mæta liðunum tveimur fyrir neðan sig í tveimur af þremur síðustu leikjunum. Þórsarar unnu bæði þessi lið í fyrri umferðinni.
Þórsarar taka á móti Hamri í 20. umferðinni í kvöld, í síðasta heimaleik sínum í deildinni í vetur, en sækja síðan Fylki og Selfyssinga heim í tveimur síðustu umferðunum.
- 1. deild karla í körfubolta
Íþróttahöllin á Akureyri kl. 19:15
Þór - Hamar - Útsending: Sýn, KKÍ TV2
Áskriftarsjónvarp
Þór vann fyrri viðureignina gegn Hamri í byrjun desember með 26 stiga mun, 115-89, þegar liðin mættust í Hveragerði.
