Fara í efni
Fréttir

Eldsvoðinn í Grímsey - MYNDIR

Ljósmynd: Henning Jóhannesson

Miðgarðakirkja í Grímsey brann til grunna í gærkvöldi. Líklegast er talið að eldur hafi kviknað út frá rafmagni. Ekki fékkst við neitt ráðið; kirkjan varð alelda á örskotsstundu og hvarf á einungis 20 mínútum eða svo. Í meðfylgjandi syrpu má sjá myndir af eldsvoðanum sem Henning Jóhannesson og Guðbjörg Henningsdóttir tóku seint í gærkvöldi, og myndir sem Karen Nótt Halldórsdóttir tók í morgun.