„Eyja á sviði sannleikans“ í Verksmiðjunni
Sýningin INSULA CAMPO VERITÀ, Eyja á sviði sannleikans, verður opnuð í Verksmiðjunni á Hjalteyri á laugardaginn, 5. ágúst kl. 14.00.
„Fjölbreyttur hópur listamanna, hönnuða, rithöfunda, og sýningarstjóra frá 6 mismunandi Evrópulöndum hafa komið saman í Verksmiðjunni Hjalteyri í þeim tilgangi að ímynda sér veröld án kapítalískrar hugmyndafræði. Þau vinna saman að því að skapa útópískan smáheim sem ögrar grundvallaratriðunum í því umhverfiseyðandi neyslukerfi sem við lifum og hrærumst í,“ segir í tilkynningu. „Verkefnið er 3 vikna félagsleg tilraun og myndlistarsýning þar sem hópurinn mun búa saman í verksmiðjunni þar sem þau deila hugmyndafræði sinni og lífspeki, fara í gönguferðir, taka þátt í pólistískum umræðum og setja upp sýningu. Þau munu vinna með nærsamfélagið og umhverfi Hjalteyrar, afla sér fæðu með fiskveiðum og lifa á landsins gæðum, um leið og þau fylgja eftir siðfræði tilraunastarfseminnar.“
Listamennirnir eru: Mao Alheimsdottir, Michaela Lakova, Bryndís Björnsdóttir, Voin de voin, Karolina Daria Flora, Joseph Marzolla, Emilie Pischedda og Amanda Riffo. Sýningarstjórar eru Joseph Marzolla og Þorbjörg Jónsdóttir.
Sýningin verður opin alla daga vikunnar nema mánudaga frá kl. 14.00 til 17.00 þar henni lýkur 3. september.
_ _ _
- Verksmiðjan á Hjalteyri er sýningar- og verkefnarými stofnað 2008 í gömlu síldarverksmiðjunni á Hjalteyri. Aðaláhersla er lögð á alþjóðlega samtímalist, kvikmyndir, vídeólist, tónlist en einnig námskeið listaskóla.
- Sýningin og koma listafólksins er styrkt af Uppbyggingarsjóði, Hörgársveit og franska sendiráðinu