Viðburðarík íþróttavika – stórleikir á dagskrá
Viðburðarík íþróttavika er hafin. Bikarúrslitavika í blaki, úrslitakeppni í íshokkí karla, innanbæjarslagur í handbolta og úrslit ráðast í riðlakeppni Lengjubikars í fótbolta. Körfuboltaliðin loka svo vikunni á sunnudag.
MÁNUDAGUR 9. MARS - handbolti
Næstsíðasta umferð Olísdeildar karla í handknattleik er á dagskrá kvölsins og bæði Akureyrarliðin að spila kl. 19.30. KA á heimaleik gegn FH.
- Olísdeild karla í handknattleik, 21. umferð
KA-heimilið kl. 19:30
KA - FH - Útsending: Handboltapassinn í Sjónvarpi Símans
Áskriftarsjónvarp
Fyrri leikur þessara liða í vetur fór ekki vel fyrir KA, 13 marka sigur FH í Kaplakrika, 45-32. Nánar er fjallað um leiki kvöldsins í sér frétt - sjá hér.
- - -
Þórsarar eiga hins vegar útileik í kvöld, sækja lið Aftureldingar heim í Mosfellsbæinn.
- Olísdeild karla í handknattleik, 21. umferð
Íþróttamiðstöðin að Varmá kl. 19:30
Afturelding - Þór - Útsending: Handboltapassinn í Sjónvarpi Símans
Áskriftarsjónvarp
Fyrri leik liðanna sem fram fór á Akureyri í nóvember lauk með jafntefli, 23-23.
ÞRIÐJUDAGUR 10. MARS - fótbolti, blak, íshokkí
Úrslitin í riðli Þórs í A-deild Lengjubikars karla í knattspyrnu ráðast á þriðjudag. Fyrir lokaleikinn er Þór í efsta sætinu með sjö stig, jafn mörg stig og ÍA, en Valur er í 3. sætinu með sex stig. Þór og Valur mætast í Boganum á þriðjudag.
- Lengjubikar karla, A-deild
Boginn kl. 17:00
Þór - Valur - Útsending: Livey.events
Áskrift að stökum leikjum eða rás
Valur þarf að vinna til að ná efsta sæti riðilsins og fara í undanúrslit, en Þór fer áfram með sigri eða jafntefli. Efsta lið í hverjum riðlanna fjögurra fer í undanúrslitin, sem eru á dagskrá laugardaginn 14. mars. Úrslitaleikur mótsins er á dagskrá laugardaginn 21. mars.
- - -
Þór/KA leikur lokaleik sinn í riðli 1 í A-deild Lengjubikars kvenna í knattspyrnu á þriðjudag þegar FH-ingar mæta í Bogann. Þór/KA getur komið sér upp í 2. sæti riðilsins með sigri, en þó er ólíklegt að það dugi til að liðið fari áfram í undanúrslitin. Stjarnan er í efsta sæti riðilsins með tíu stig, Þróttur er með níu stig og Þór/KA getur náð níu stigum með sigri. Þróttur á hins vegar eftir að sækja FHL heim í lokaleik riðilsins á laugardag og nægir jafntefli þar til að fara áfram.
- Lengjubikar kvenna, A-deild
Boginn kl. 19:30
Þór/KA - FH - Útsending: Livey.events
Áskrift að stökum leikjum eða rás
Tvö lið úr hvorum riðli fara áfram í undanúrslitin.
- - -
Upp er runnin bikarvika í blakinu, undanúrslitaleikir kvenna á dagskrá á þriðjudag og þar eru bikarmeistarar KA í eldlínunni. KA vann Þrótt Fjarðabyggð 3-1 á útivelli í átta liða úrslitunum, en mótherjarnir á þriðjudag, sameiginlegt lið Þróttar í Reykjavík og Blakfélags Hafnarfjarðar, vann Völsung 3-1 á heimavelli.
KA er ríkjandi bikarmeistari, liðið vann HK 3-2 í úrslitaleiknum í fyrra.
- Kjörísbikar kvenna í blaki, undanúrslit
Digranes í Kópavogi kl. 19:30
Þróttur Reykjavík/Blakfélag Hafnarfjarðar - KA
Þessi lið mættust fjórum sinnum í Unbroken-deildinni í vetur og vann KA allar viðureignirnar. KA vann tvær viðureignir 3-0 á Akureyri í september, 3-2 á útivelli í nóvember og 3-1 á útivelli í febrúar.
Hin viðureignin í undanúrslitum er á milli HK og Aftureldingar. Sigurliðin mætast í úrslitaleik í Digranesi laugardaginn 14. mars kl. 13.
- - -
Úrslitaeinvígið um Íslandsmeistaratitil karla í íshokkí hefst í kvöld þegar SA Víkingar sækja lið Skautafélags Reykjavíkur heim í Laugardalinn.
- Toppdeild karla í íshokkí
úrslitakeppni, leikur 1
Skautahöllin í Laugardal kl. 19:45
SR - SA - Útsending: icehockeyiceland.tv
Áskrift að rás eða stökum leikjum
Fjallað er um einvígi SA og SR í sér fréttum.
FIMMTUDAGUR 12. MARS - handbolti, íshokkí
Lokaumferð Olísdeildar karla í handknattleik verður spiluð á fimmtudagskvöld og byrja allir leikirnir á sama tíma, kl. 19:30. Handboltaáhugafólk á Akureyri fær veislu í Höllinni þegar Þór og KA mætast.
- Olísdeild karla í handknattleik, lokaumferð
Íþróttahöllin á Akureyri kl. 19:30
Þór - KA - Útsending: Handboltapassinn í Sjónvarpi Símans
Áskriftarsjónvarp
Fyrri leik liðanna, sem fram fór í KA-heimilinu í nóvember, lauk með fjögurra marka sigri KA, 32-28.
Nánar verður fjallað um viðureign liðanna í sér umfjöllun á leikdegi.
- - -
SA Víkingar, karlalið Skautafélags Akureyrar, tekur á móti SR í öðrum leik liðanna í úrslitaeinvígi Toppdeildar karla.
- Toppdeild karla í íshokkí
úrslitakeppni, leikur 2
Skautahöllin á Akureyri kl. 19:30
SA - SR - Útsending: icehockeyiceland.tv
Áskrift að rás eða stökum leikjum
Nánar er fjallað um úrslitaeinvígið í sér umfjöllun á leikdögum einvígisins.
LAUGARDAGUR 14. MARS - blak, handbolti, íshokkí
Fari svo að KA vinni Þrótt R./Blakfélag Hafnarfjarðar í undanúrslitum Kjörísbikars kvenna í blaki mætir liðið annaðhvort HK eða Aftureldingu í úrslitaleik í Digranesi á laugardag kl. 13.
- Kjörísbikar kvenna í blaki
Digranes í Kópavogi kl. 13
KA eða Þróttur R/Blakf. Hafnarfjarðar gegn HK eða Aftureldingu
- - -
Enn er þremur umferðum ólokið í Olísdeild kvenna í handknattleik. KA/Þór hefur þegar tryggt sér sæti í fyrstu umferð úrslitakeppninnar. Næsti leikur er útileikur gegn ÍR, sem situr í 4. sætinu með 20 stig, en KA/Þór er í 6. sætinu með 15 stig.
Fram hefur komið í fréttum að Unnur Ómarsdóttir leikur ekki meira með liðinu þar sem hún er barnshafandi. Þá hefur hin ungverska Anna Petrovic snúið aftur til síns gamla félags í Austurríki, en hún kom til KA/Þórs fyrir tímabilið.
- Olísdeild kvenna í handknattleik, 19. umferð
Skógarsel í Breiðholti kl. 15:15
ÍR - KA/Þór - Útsending: Handboltapassinn í Sjónvarpi Símans
Áskriftarsjónvarp
Spiluð er þreföld umferð í Olísdeild kvenna og hafa liðin því mæst tvisvar nú þegar í deildinni í vetur, í hnífjöfnum leikjum. ÍR vann með einu marki í Breiðholtinu í október, 30-29, en KA/Þór vann með tveggja marka mun á Akureyri í janúar, 23-21.
- - -
Þriðji leikur í úrslitaeinvíginu í Toppdeild karla í íshokkí fer fram í Skautahöllinni á Akureyri á fimmtudagskvöld. Hafi annað liðið náð að vinna tvo fyrstu leikina er mögulegt að einvíginu ljúki á laugardag.
- Toppdeild karla í íshokkí
úrslitakeppni, leikur 3
Skautahöllin í Laugardal kl. 17:45
SR - SA - Útsending: icehockeyiceland.tv
Áskrift að rás eða stökum leikjum
Nánar er fjallað um úrslitaeinvígi SA og SR í sér umfjöllun.
SUNNUDAGUR 15. MARS - körfubolti
Kvennalið Þórs í körfuknattleik tekur á móti Ísfirðingum í Vestra á sunnudag. Þór er í 2. sæti deildarinnar, hefur unnið 13 leiki og tapað tveimur. Aþena er í toppsætinu með 15 sigra og eitt tap, en Fjölnir í 3. sætinu með 13 sigra og þrjú töp. Vestri er í botnsætinu án sigurs í fyrstu 15 leikjum sínum.
- 1. deild kvenna í körfuknattleik
Íþróttahöllin á Akureyri kl. 13
Þór - Vestri - Útsending: KKÍ TV á Sýn
Áskriftarsjónvarp
Þór vann stórsigur í fyrri leik liðanna sem fram fór á Ísafirði í lok nóvember, 132-50.
- - -
Karlalið Þórs í körfuknattleik leikur næstsíðasta leik sinn á leiktíðinni á sunnudag þegar liðið sækir Fylki heim í Árbæinn. Þór er í þriðja neðsta sæti deildarinnar, hefur unnið fjóra leiki, Hamar er með þrjá sigra og Fylkir á botninum með tvo sigra.
- 1. deild karla í körfuknattleik
Fylkishöllin í Árbæ kl. 19:15
Fylkir - Þór - Útsending: KKÍ TV á Sýn
Áskriftarsjónvarp
Þór vann fyrri leik liðanna sem fram fór á Akureyri í desember með tíu stiga mun, 96-86.
