Mannlíf
Nýja gervigrasið vígt gegn Reyni í bikarnum
26.05.2022 kl. 12:15
![](/static/news/lg/284145631_5360141667350928_541253505167338342_n.jpg)
KA-strákarnir á fyrstu æfingunni á nýja gervigrasinu í vikunni. Ljósmynd: Egill Bjarni Friðjónsson.
Fyrsti leikurinn á nýja gervigrasvellinum á KA-svæðinu verður í dag þegar KA mætir liði Reynis frá Sandgerði í 32 liða úrslitum bikarkeppni Knattspyrnusambandsins, Mjólkurbikarkeppninni.
Ef allt verður með felldu fara KA-menn örugglega áfram í 16 liða úrslitin; liðið er í öðru sæti efstu deildar Íslandsmótsins, Bestu deildarinnar, með 16 stig að loknum sjö leikjum. Reynir er í næst neðsta sæti í 2. deild, þriðju efstu deild íslandsmótsins. Liðið hefur tapað þremur fyrstu leikjunum í sumar.
Leikurinn á KA-vellinum hefst klukkan 16.00.