Fara í efni
Mannlíf

Lækka hámarkshraða úr 50 km/klst í 30 km

Horft norður eftir Túngötu í átt að Gránufélagsgötu. Vínbúðin í fjarska stendur við Hólabraut. Ljósm…
Horft norður eftir Túngötu í átt að Gránufélagsgötu. Vínbúðin í fjarska stendur við Hólabraut. Ljósmynd: Skapti Hallgrímsson

Hámarkshraði verður lækkaður úr 50 km í 30 km á nokkrum götum í miðbæ Akureyrar innan tíðar. Skipulagsráð ákvað þetta í vikunni.

Um er að ræða Hólabraut, Laxagötu, Smáragötu, Geislagötu, Bankastíg og Túngötu milli Gránufélagsgötu og Bankastígs. Samkvæmt gildandi deiliskipulagi miðbæjar Akureyrar er miðað við að hámarkshraði sé 30 km/klst en hann hefur þó verið 50 km/klst.

„Skipulagsráð samþykkir að hámarkshraða í umræddum götum verði breytt til samræmis við gildandi deiliskipulag og leggur áherslu á að settar verði upp viðeigandi merkingar,“ segir í fundargerð ráðsins í vikunni.