Mannlíf
Hvers vegna er barrið blátt, frekar en grænt?
13.08.2025 kl. 09:15
Getur það verið hrein tilviljun að hátt uppi í fjöllum vaxi barrviðir af ólíkum tegundum, ættkvíslum og jafnvel ættum sem eiga það sameiginlegt að barrið á þeim er blátt, frekar en grænt? Hvað veldur þessum bláa lit?
Þannig spyr Sigurður Arnarson í nýjum pistli í röðinni Tré vikunnar.
Hann segir meðal annars:
- Hátt uppi í Himalajafjöllum vex himalajaeinir. Hann er frægur fyrir sitt bláa barr.
- Hátt uppi í Klettafjöllum vex broddgreni ásamt blágreni og fjallaþin. Öll þessi tré eiga það sameiginlegt að barrið á trjánum er vaxborið og getur verið nokkuð bláleitt.
- Hátt uppi í Himalajafjöllum vex bláleitur sedrusviður. Náskyld tegund af bláum sedrusviði vex í Atlasfjöllum Norður-Afríku. Þar vex líka sýprus sem er blárri á litinn en annar sýprus nálægt Miðjarðarhafi.
- Ofangreindar tegundir eru allar fremur vinsælar í garðrækt, sumar hér á landi, aðrar erlendis og enn aðrar bæði hér á landi og í útlöndum.
Pistill dagsins: Bláminn í barrinu