Fara í efni
Mannlíf

Frambjóðendur á fundi hjá Þórsurum í kvöld

Frambjóðendur á fundi hjá Þórsurum í kvöld

Íþróttafélagið Þór hefur staðið fyrir súpufundum í félagsheimilinu Hamri undanfarið með fulltrúm allra framboða í bæjarstjórnarkosningunum. Í kvöld verður haldinn fundur þar sem fulltrúar allra framboða nema eins mæta til leiks.

Á fundinum verða framboðin „með stutta framsögu/kynningu á sínum stefnumálum áður en Þórsurum gefst svo tækifæri til að spyrja spurninga,“ segir á heimasíðu Þórs.

„Er hér á ferðinni einstakt tækifæri til að kynnast stefnu flokkanna í þeim málefnum er snúa að íþróttum og tómstundum á Akureyri. Fundurinn er að sjálfsögðu opinn öllum og hvetjum við alla Þórsara til að koma og sýna frambjóðendum hversu stórt og öflugt okkar frábæra félag er,“ segir þar.

Fundurinn hefst klukkan 20.00 í Hamri. Fulltrúar átta framboða af níu mæta, allra nema Kattaframboðsins. Þrír fulltrúanna verða oddvitar viðkomandi framboðs að sögn Reimars Helgasonar, framkvæmdastjóra Þórs.