Íþróttir
Sprettu lystilega úr spori í snjónum
30.10.2025 kl. 11:30
Einn, tveir og þrír! Þorbergur Ingi Jónsson, næst fremstur á myndinni í ljósum bol með blátt höfuðfat, kom fyrstur í mark um það bil 6 km eftir að þessi mynd var tekin. Myndir: Skapti Hallgrímsson
Akureyrskir hlauparar komu saman í Lystigarðinum í gær til fyrsta Vetrarhlaups Ungmennafélags Akureyrar (UFA) og LYST á þessum vetri. Ungmennafélagið og veitingastaðurinn tóku höndum saman í fyrrahaust og stofnuðu til mótaraðar sem þótti afar vel heppnuð og því er leikurinn endurtekinn.
Í gær tóku 111 hlauparar þátt; ræst var við LYST og endað á sama stað eftir um 6 km hlaup. Við endamarkið var boðið upp á heitt súkkulaði, súpu og drykki. Fimm hlaup í vetur, síðasta miðvikudag í hverjum mánuði fram í mars að desember undanskildum, þegar UFA heldur árlegt gamlárshlaup. Næsta hlaup í mótaröðinni verður 26. nóvember.
