Ólafur og Rakel unnu Þorvaldsdalsskokkið
Ólafur Ingi Sigurðsson kom fyrstur í mark í Þorvaldsdalsskokkinu sem fram fór í 33. sinn laugardaginn 4. júlí, en fyrst kvenna var Rakel Friðriksdóttir. Vegalengd Þorvaldsdalsskokksins er u.þ.b. 24 km en þar sem leiðaval hlaupara er frjálst getur munað nokkru á heildarvegalengd einstakra hlaupara.
Aðstæður voru góðar, sól og blíða, að því er segir í tilkynningu frá UMSE. Hlaupið hófst við Dagverðartungu kl. 12:00 og fóru 14 hlauparar af stað. Öll úrslit í hlaupinu eru aðgengileg á timataka.net – https://timataka.net/thorvaldsdalsskokkid2026/þþ
Verðlaunahafar í karlaflokki, frá vinstri: Guðmundur Lúther Hallgrímsson sem varð í 3. sæti (2:22:40), sigurvegarinn Ólafur Ingi Sigurðsson (2:21:49) og Ari Björn Jónsson sem lenti 2. sæti (2:22:28).
Brons og silfur. Þóra Sigríður Torfadóttir, til vinstri, varð í 3. sæti í kvennaflokki (4:01:06) og Hafrún Helga Arnardóttir í 2.sæti (4:01:05).
