KA og Breiðablik mætast í Kópavogi í dag
![](/static/news/lg/e9d81jvog364m2rn4b07ih.jpg)
KA-menn gera sér ferð í Kópavog í dag þar sem liðið mætir Breiðabliki í 8. umferð Bestu-deildar karla, efstu deildar Íslandsmótsins í knattspyrnu. KA-liðið er fyrir leikinn í fimmta sæti deildarinnar með 11 stig á meðan Blikar eru í því þriðja með 15 stig.
Þessi lið, sem urðu í öðru og fyrsta sæti deildarinnar á síðustu leiktíð mættust þrisvar í deildinni á þeirri leiktíð. KA-liðið vann einn leik á Greifavellinum 2:1 en Breiðablik vann hina tvo, 4:1 í Kópavogi og 2:1 á Greifavellinum.
KA-liðið er að mæta í Kópavog í annað skipti í vikunni en liðið vann góðan 3:1 sigur gegn HK í Kórnum á fimmtudaginn var. Á sama tíma unnu Blikar 3:1 sigur á Þrótti. En þessir leikir voru hluti af Mjólkurbikar karla.
Leikurinn hefst klukkan 17:00 og er sýndur á Stöð2Sport.