Íþróttir
KA mætir Stjörnunni í Garðabæ í kvöld
07.02.2024 kl. 15:00
Síðasti leikur KA var gegn HK á heimavelli. HK-ingar unnu og eru því aðeins einu stigi á eftir KA-mönnum fyrir leik kvöldsins. Ljósmynd: Skapti Hallgrímsson
KA sækir Stjörnuna heim í dag í Olís deild karla, efstu deild Íslandsmótsins í handbolta. Leikurinn hefst kl. 18.00 í íþróttahúsinu Mýrinni í Garðabæ.
Þegar 14 umferðum er lokið í Olís deildinni eru liðin bæði í harðri baráttu um sæti í átta liða úrslitakeppni um Íslandsmeistaratitilinn. Stjarnan er sem stendur í sjöunda sæti með 11 stig en KA í níunda sæti með 10 stig. Því er mikið í húfi í kvöld. Grótta er í áttunda sæti einnig með 10 stig, HK er með níu stig og Víkingur og Selfoss neðst með sex stig.
Hægt er að horfa á leikinn í beinni útsendingu á handboltapassanum.
KA á þessa leiki eftir í deildinni:
- Stjarnan - KA
- KA - ÍBV
- Haukar - KA
- KA - Grótta
- KA - Víkingur
- Afturelding - KA
- KA - Valur
- FH - KA
Smellið hér til að sjá stöðuna í deildinni.
