Íþróttir

Hnífjöfn barátta um sæti í Bestu deildinni

Skapti Hallgrímsson - skapti@akureyri.net 06.09.2025 kl. 13:00

Þórsarar fagna mögnuðum sigri á Njarðvíkingum í Boganum á dögunum. Varnarjaxlinn og „trommarinn“ Yann Emmanuel Affi kemur í liðið á ný eftir fjarveru vegna leikbanns í tapi á Selfossi um síðustu helgi. Myndir: Skapti Hallgrímsson

Þór er eitt fjögurra liða sem getur sigrað í Lengjudeildinni í knattspyrnu og tryggt sér sæti í Bestu deildinni að ári án þess að fara í umspil. Næst síðasta umferð deildarinnar fer fram í dag og engar ýkjur að halda því fram að spennan sé í hámarki, bæði á toppi og botni.

Lengjudeild karla í knattspyrnu, 21. umferð
Boginn kl. 16
Þór - Fjölnir

Þróttarar skutust á toppinn um síðustu helgi en Þórsarar, sem voru efstir, fóru niður í þriðja sæti eftir tap á Selfossi. Njarðvíkingar eru í öðru sæti og mjög fróðlegt verður að sjá stöðu efstu liðanna að leikjum dagsins loknum; Þór á að vinna botnlið Fjölnis á heimavelli ef allt er með felldu, Þróttarar sækja HK-inga heim á erfiðan útivöll og erfitt er að spá um úrslitin í slag liðanna tveggja í Reykjanesbæ; Njarðvík vann „stóra bróður“ 3:1 í fyrri umferðinni. HK og Keflavík eiga ekki lengur möguleika á að enda í efsta sæti en eru bæði í baráttunni um sæti í umspili. Þróttur og HK gerðu jafntefli í fyrri leik sumarsins.

Efstu liðin: