Fara í efni
Íþróttir

GULLREGN Í KA-HEIMILINU!

Stemningin var frábær þegar KA-stelpurnar tóku við Íslandsbikarnum í kvöld. Ljósmynd: Þórir Tryggvason.

Kvennalið KA í blaki varð Íslandsmeistari í kvöld og kórónaði þar með frábæran árangur í vetur.

KA-stelpurnar sigruðu Aftureldingu 3:0 í KA-heimilinu og hafa þar með unnið alla titla sem í boði voru á keppnistímabilinu; áður höfðu þær orðið deildarmeistarar og bikarmeistarar. 

Vinna þurfti þrjá leiki í lokarimmunni til þess að fá Íslandsbikarinn afhentan og KA-liðið kláraði verkefnið með stæl. Allir leikirnir fóru 3:0; hrinurnar í kvöld enduðu 25:18, 25:19 og 25:16.

Stemningin var mögnuð í KA-heimilinu í kvöld, fjölmenni mætti til að fylgjast með og studdi vel við bakið á stelpunum. 

Innilega til hamingju KA-menn!

Ljósmyndir: Þórir Tryggvason