Þórsarar sækja Blika heim í Kópavoginn

Fjórða umferð Bestu deildar karla í knattspyrnu er hafin. KA lék á heimavelli í gær, en í dag á Þór á útileik, þann þriðja í fyrstu fjórum umferðum mótsins. Lið Þórs sækir Breiðablik heim í Kópavoginn í dag.

• Besta deild karla í knattspyrnu
  Kópavogsvöllur kl. 19:15
  Breiðablik - Þór

Þór er með sex stig úr fyrstu þremur leikjunum og er í 5. sætinu, en Breiðablik er sæti neðar og með stigi minna en Þór. Breiðablik gerði 1-1 jafntefli við Víking í opnunarleik mótsins, vann ÍA 1-0 í 2. umferð og gerði síðan markalaust jafntefli við Keflavík í þeirri þriðju. Þór vann Val á útivelli í fyrsta leik, 2-1, tapaði 2-5 fyrir KR, einnig á útivelli, í 2. umferð, en vann Fram 1-0 í fyrsta leik sínum á nýjum gervigrasvelli á Þórssvæðinu.

Þór og Breiðablik mættust síðast í efstu deild karla í knattspyrnu í lok septembermánaðar 2014. Þórsarar höfðu þá 2-0 sigur á Þórsvellinum. Fyrri leik liðanna það sumarið, sem fram fór á Kópavogsvelli í byrjun júlí, lauk með 3-2 sigri Breiðabliks.