Fréttir
KA gert að greiða Arnari 11 milljónir króna
14.05.2024 kl. 14:47
![](/static/news/lg/1715698691_arnar-og-hallgrimur_9940.jpg)
Arnar Grétarsson ásamt þáverandi aðstoðarþjálfara sínum, Hallgrími Jónassyni, sem tók við starfinu af Arnari þegar hann hætti hjá KA. Ljósmynd: Skapti Hallgrímsson.
Arnar Grétarsson, fyrrverandi þjálfari meistaraflokks KA í knattspyrnu, hafði betur gegn félaginu fyrir Héraðsdómi Norðurlands eystra og ber KA að greiða hátt í 11 milljónir króna auk dráttarvaxta.
Arnar höfðaði mál gegn félaginu þar sem hann taldi sig eiga inni vangoldin laun sem tengdust ákvæði í samningi hans um það að koma liðinu í Evrópukeppni. Samkvæmt dómsorði ber Knattspyrnufélagi Akureyrar að greiða Arnari tæpar 8,8 milljónir króna, auk dráttarvaxta frá 5. nóvember 2023. Þar að auki er KA gert að greiða Arnari tvær milljónir króna í málskotnað.
Knattspyrnuvefurinn 433.is greindi frá þessu fyrir stundu.