Fréttir
Gleðilega hátíð!
25.12.2021 kl. 12:00
Lögmannshlíðarkirkja í gær, á aðfangadegi jóla. Ljósmynd: Skapti Hallgrímsson.
Akureyri.net óskar fjölmörgum dyggum lesendum gleðilegra jóla. Rúmlega eitt ár er síðan lífi var blásið í vefinn af nýjum eigendum og ekki ofsagt að móttökur hafi verið stórkostlegar. Ævintýrið hófst föstudaginn 13. nóvember 2020 og er rétt að byrja; ljóst er að tilraunin tókst og hér með er þakkað fyrir ótrúlega mikinn lestur, góð samskipti við lesendur og velvild af margvíslegu tagi.
Akureyringar og aðrir hafa verið duglegir við að senda undirrituðum ábendingar um áhugavert efni og eru hvattir til þess að halda sínu striki í þeim efnum. Áfram Akureyri, Akureyringar – og Akureyri.net!
Skapti Hallgrímsson – skapti@akureyri.net
ritstjóri