Gatnamót Skarðshlíðar og Smárahlíðar lokuð

Gatnamót Smárahlíðar og Skarðshlíðar verða lokuð frá kl. 9 í dag vegna framkvæmda. Lokunin hefur áhrif á akstur strætisvagna.

Í frétt á vef Akureyrarbæjar segir að lokað verði fyrir umferð um gatnamótin á meðan á framkvæmdum stendur, en þar er einnig tekið fram að lokað verði kl. 9-13 í dag. Skarðshlíð verður lokuð frá Lithluhlíð að Fosshlíð, nema fyrir íbúa Smárahlíðar.

Eftirfarandir breytingar verða á akstri strætisvagna vegna lokunarinnar, samkvæmt tilkynningu á Facebook-síðu SVA:

• Leiðir 5 og 6 aka um Hörgárbraut og Hlíðarbraut í stað Undirhlíðar, Skarðshlíðar og Smárahlíðar.
  - Biðstöðvar í Smárahlíð, Skarðshlíð við Bogann og Skarðshlíð við Undirhlíð óvirkar, en vagnarnir stöðva þess í stað á biðstöðvum við Hörgárbraut og Hlíðarbraut.
• Leið 3 ekur suður Hlíðarbraut og niður Fosshlíð í stað Smárahlíðar.
  - Biðstöð í Smárahlíð óvirk.

Framkvæmdirnar felast í gerð upphækkaðra gatnamóta Skarðshlíðar og Smárahlíðar og hefjast í dag. Markmið framkvæmdanna er að draga úr umferðarhraða og auka umferðaröryggi á svæðinu, að því er fram kemur á vef bæjarins.