Flugsafnið fær „Þristinn“ til eignar

Þristurinn svokallaði, Douglas DC-3 flugvélin sögufræga, einn sýningargripa á Flugsafni Íslands á Akureyri síðan árið 2008, verður á safninu til frambúðar. Í dag var undirrituð viljayfirlýsing þess efnis að Þristurinn yrði færður safninu „til eignar og varðveislu“ og ráðgert að vélin verði formlega afhent safninu í lok árs.

Flugfélag Íslands keypti vélina af herliði Bandaríkjamanna á Íslandi árið 1946 en gaf hana Landgræðslu ríkisins 1972 og vélin var notuð við landgræðslustörf til 2006. Þristavinafélagið var stofnað 2005 og eignarhald vélarinnar færðist árið 2011 yfir á Þristasjóðinn, sem gagngert var stofnaður um eignarhald og varðveislu Þristsins.

Viljayfirlýsinguna undirrituðu í dag Jóhann Páll Jóhannsson umhverfis-, orku- og loftslagsráðherra, Ágúst Sigurðsson forstöðumaður Lands og Skógar, Sveinn Runólfsson fyrrverandi landgræðslustjóri og formaður Þristasjóðs, Tómas Dagur Helgason formaður Þristavinafélagsins og Steinunn María Sveinsdóttir safnstjóri Flugsafns Íslands. 

Meira um Þristinn síðar