Fréttir
Dauft hjá KA og tap heima fyrir Vestra
21.04.2024 kl. 17:15
![](/static/news/lg/ka-vestri_r3a0135.jpg)
Vestramenn fögnuðu að vonum innilega þegar Jeppe Gertsen skoraði enda fyrsta mark liðsins í Bestu deildinni. Mynd: Skapti Hallgrímsson
KA tapaði 1:0 fyrir Vestra á heimavelli í dag í efstu deild Íslandsmótsins í knattspyrnu, Bestu deildinni.
Jeppe Gertsen gerði eina markið þegar komið var í uppbótartíma – fyrsta mark Vestra í deildinni og stigin þrjú, uppskera dagsins, eru þau fyrstu sem liðið fær.
KA-menn sitja hins vegar eftir með sárt ennið og aðeins eitt stig af níu mögulegum eftir þrjá leiki, alla á heimavelli. Það er að sjálfsögðu áhyggjuefni, ekki síður að frammistaðan í dag var ekki góð og úrslitin í raun ekki ósanngjörn.
Nánar síðar í dag