Þór/KA

Bætti brautarmetið í 100 km um 90 mínútur

Skapti Hallgrímsson - skapti@akureyri.net 02.08.2025 kl. 19:30

Mynd: Skapti Hallgrímsson

Elísa Kristinsdóttir bætti brautarmet kvenna í 100 km í utanvegahlaupinu Súlur vertical á Akureyri dag um hvorki meira né minna en 90 mínútur! Elísa hljóp vegalengdina á 10 klukkutímum, 45 mínútum og 17 sekúndum og fyrsti karlinn, Felix Starker, kom rúmum klukkutíma á eftir Elísu í mark.

Um 650 hlauparar tóku þátt í viðburðinum sem fram fór í blíðskaparveðri. Hægt var að velja um fjórar mislangar og krefjandi vegalengdir.

48 hlauparar lögðu af stað í lengstu vegalengdina, Gyðjuna 100 km hlaup með samanlagt 3600 m hækkun. Lagt er upp frá Goðafossi, hlaupið yfir í Fnjóskadal og þaðan yfir Vaðlaheiði og leirurnar inn í Kjarnaskóg, upp á bæjarfjallið Súlur, inn á Glerárdal og síðan niður í miðbæ Akureyrar.

Elísa Kristinsdóttir, í miðjunni, hljóp 100 km á frábærum tíma – bætti brautarmet kvenna um 90 mínútur. Til vinstri er Þórdís Jónsdóttir sem varð önnur og Katrín Ýr Árnadóttir, hægra megin, varð í þriðja sæti í 100 km. Mynd: Skapti Hallgrímsson

Elísa Kristinsdóttir kom fyrst allra í mark á nýju brautarmeti kvenna sem fyrr segir, á tímanum 10:45:17 klst og bætti brautarmet Andreu Kolbeinsdóttur frá því í fyrra um hvorki meira né minna en 90 mínútur. Hún var rúmri klukkustund á undan fyrsta karlinum í mark en það var Felix Starker sem var fyrstur karla á tímanum 11:51:18 klst.

Rúmlega 60 hlauparar spreyttu sig á Tröllinu sem er 43 km leið með tæplega 2000 m hækkun þar sem hlaupið er í krefjandi landslagi upp á bæjarfjallið Súlur og áfram inn eftir fjallshryggnum inn á Glerárdal áður en haldið er til byggða aftur.

Þorbergur Ingi Jónsson var fyrsti karlinn í mark í Tröllinu á tímanum 4:01:58 klst. og bætti brautarmet Þorsteins Roy Jóhannssonar frá árinu 2023 um rúma mínútu. Fyrsta konan í mark var Hildur Aðalsteinsdóttir á tímanum 5:08:35 klst.

130 manns hlupu Súlur sem er 29 kílómetra leið þar sem hlaupið er úr Kjarnaskógi, upp á Súlur og svo niður í bæ. Elín Edda Sigurðardóttir var fyrst kvenna á tímanum 3:06:05 klst og Sigurjón Ernir Sturluson var fyrstur karla á tímanum 2:31:27 klst.

Fjölmennasta vegalendin var Fálkinn en þar voru um 390 manns skráðir til leiks. Fálkinn er 19 kílómetra hlaup úr Kjarnaskógi, upp á Súlubílastæði og þaðan niður í miðbæ. Pétur Haukur Jóhannesson var fyrstur karla í mark í Fálkanum á tímanum 1:23:04 klst og Anna Berglind Pálmadóttir var fyrst kvenna á tímanum 1:27:38 klst.

Hér eru úrslit og tímar þriggja efstu í öllum vegalendum en nánari upplýsingar má finna inni á timataka.net og á sulurvertical.is:

Gyðjan 100 km

Konur