Sverrir Páll

Fjórði leikur Þórs og Vals í kvöld

Haraldur Ingólfsson skrifar 13. apríl 2025 | kl. 17:00

Esther Fokke var mætt aftur til leiks með Þórsliðinu í síðasta leik og sýndi sig hve mikilvæg hún er liðinu. Mynd: Skapti Hallgrímsson.

Fjórði leikurinn í einvígi Þórs og Vals í átta liða úrslitum Íslandsmóts kvenna í körfuknattleik, Bónusdeildarinnar, fer fram á heimavelli Vals að Hlíðarenda í kvöld. Þórsliðið er enn í þeirri stöðu að annaðhvort er að sigra eða fara í sumarfrí. Eftir að hafa lent 0-2 undir í einvíginu vann Þór þriðja leik liðanna sem fram fór á Akureyri í vikunni.

Bónusdeild kvenna í körfuknattleik – átta liða úrslit – leikur 4
Valsheimilið að Hlíðarenda kl. 19:00
Valur - Þór

Úrslit leikjanna hingað til í einvíginu:

Þór - Valur 86-92
Valur - Þór 102-75
Þór - Valur 72-60

Fari svo að Valur vinni í kvöld er Þórsliðið úr leik, en Valur fer áfram í undanúrslit. Ef Þór vinnur í kvöld verður oddaleikur í Íþróttahöllinni á Akureyri miðvikudagin 16. apríl.

Til baka í yfirlit