Kór Akureyrarkirkju býður upp á raddprufur

Kór Akureyrarkirkju auglýsir nú eftir nýjum félögum fyrir komandi starfsár sem verður bæði fjölbreytt og spennandi. Á árinu fagnar kórinn 80 ára afmæli sínu og mun í því tilefni flytja fjölbreytta tónlist. „Þetta áttræða afmælisbarn ber aldurinn einstaklega vel og sjaldan verið
glæsilegra,“ segir í tilkynningu.

Á dagskrá verða meðal annars Óttusöngur að vori eftir Jón Nordal, eitt magnaðasta tónverk íslenskrar kórhefðar. Þar að auki eru fastir liðir eins og Jólasöngvar Akureyrarkirkju sem fluttir eru á hverju ári fyrir fullu húsi. Svo auðvitað afmælismessa kirkjunnar þar sem haldið verður upp á
afmæli kórsins og kirkjunnar en hún fagnar 85 ára afmæli, segir í tilkynningunni.

„Við viljum hvetja alla sem hafa áhuga á kórsöng, hvort sem þeir hafa mikla reynslu eða eru að stíga sín fyrstu skref, að taka þátt í þessu afmælisári með okkur. Tekið er á móti öllum röddum í prufu en karlar eru sérstaklega hvattir til að sækja um.“ segir Þorvaldur Örn, kórstjóri Kórs Akureyrarkirkju.

„Í raun má hugsa um að þátttaka í kór er ókeypis tónlistarnám þar sem að kórfélagar kynnast fjölbreyttri tónlist, öðrum söngvurum en ekki síst sinni eigin rödd. Þá hefur einnig farið vel á að pör og hjón fari saman í kórinn iðki þannig þetta skemmtilega áhugamál í sameiningu.“

Æfingar kórsins fara fram á þriðjudagskvöldum í safnaðarheimili Akureyrarkirkju. Nánari upplýsingar og skráning fer fram hjá Þorvaldi á thorvaldurorn@akirkja.is