Niceair 2.0 stígur varlega til jarðar

Þýski athafnamaðurinn Martin Michael tilkynnti í dag að Niceair 2.0 mun bjóða upp á farþegaflug á milli Akureyrar og Kaupmannahafnar tvo daga í febrúarmánuði næstkomandi, fimmtudaginn 19. og sunnudaginn 22. febrúar. Meira hefur ekki verið ákveðið, en væntanlega verður tilkynnt um sumaráætlun félagsins snemma í apríl. Michael kveðst vilja stíga varlega til jarðar en markmiðið sé að bjóða upp á áætlunarflug á milli Akureyrar og Kaupmannahafnar tvisvar í viku allt árið. 

Fram kom í síðustu viku að Michael hygðist endurvekja Niceair og á fundi í Flugsafninu á Akureyri í dag greindi hann frá því að starfsemi Niceair 2.0, eins og hann kallar félagið nú, mun ekki einskorðast við Akureyri heldur verður félagið með starfsemi víða í Evrópu. Meðal annars stefnir hann að því að fljúga frá Þýskalandi til Spánar.

Vert er að segja frá því að nafn félagsins verður Niceair – Michael bætir 2.0 við núna á meðan hann kynnir starfsemina, til þess að ekki fari á milli að um nýtt félag sé að ræða.

Nánar síðar í dag