Íshokkí: Leik SA og SR frestað til morguns

Uppfært kl. 9:35 á fimmtudegi: Vegna óveðurs hefur þriðja leik í úrslitaeinvígi SA og SR í Toppdeild kvenna í íshokkí verið frestað til morguns og er hann á dagskrá kl. 16:45 (föstudag, 27. mars). 

Þetta þýðir einnig að fjórði leikur liðanna, sem fyrirhugaður var í Skautahöllinni í Laugardal á laugardag, færist yfir á sunnudag, 29. mars.

- - -

Þriðji leikur í úrslitakeppni Toppdeildar kvenna í íshokkí var á dagskránni í Skautahöllinni á Akureyri í kvöld, en leiknum hefur verið frestað til morguns vegna óveðurs. Þessi frestun hefur áhrif á tímasetningu fjórða leiksins, sem átti að vera syðra á laugardag, en hann hefur verið færður yfir á sunnudag. Flautað verður til leiks kl. 16:45 báða dagana.

Staðan í einvíginu er 1-1 og því ljóst að viðureignin fer að minnsta kosti í fjóra leiki. SA vann fyrsta leikinn á Akureyri 1-0, en SR svaraði með 2-1 sigri í öðrum leik eftir framlengingu og vítakeppni.

• Toppdeild kvenna í íshokkí
  Úrslit, leikur 3, föstudagur 27. mars
  Skautahöllin á Akureyri kl. 16:45
  SA - SR
• Útsending: icehockeyiceland.tv
  Áskrift að rás eða stökum leikjum