Arnór Bliki rekur sögu „Svarfdælingahúss“

Arnór Bliki Hallmundsson heldur áfram að fræða lesendur í pistlaröðinni fróðlegu og vinsælu, Hús dagsins. Síðast var hann staddur í Kaupangssveit en heldur nú á ný til kaupstaðarins og fjallar um hús á Akureyri sem er aldargamalt í ár; 100 ára afmælishús verða raunar í forgrunni það sem eftir lifir árs, segir Arnór Bliki.

Í pistli dagsins er hann staddur í Norðurgötu og fjallar um húsið númer 16.

„Elsti hluti Norðurgötu, sem liggur sunnan Eiðsvallagötu er að mestu skipaður húsum frá tveimur síðustu áratugum 19. aldar. Þar er að mestu um að ræða timburhús, sem móðins voru þá en þar er einnig að finna eina grjóthlaðna hús Akureyrar, svo vitað sé; Gömlu Prentsmiðjuna eða einfaldlega, Steinhúsið. Svo virðist sem ártöl með endingunni ´26 séu uppbyggingarskeið í þessum hluta götunnar; árið 2026 hafa risið vestanmegin stóreflis steinhús, margra íbúða fjölbýli, sem þrátt fyrir stærð og umfang bera að einhverju leyti með sér yfirbragð eldri byggðar,“ skrifar Arnór Bliki.

• Pistill Arnórs Blika: Hús dagsins: Norðurgata 16