Leiðsagnir um nýjar sýningar á Listasafninu

Tvær nýjar sýningar voru opnaðar síðustu helgi á Listasafninu á Akureyri. Annars vegar sýning Þóru Sigurðardóttur, Tími-Rými-Efni, og hins vegar sýning Heimis Hlöðverssonar, Samlífi. Fræðslufulltrúi safnsins, Heiða Björk Vilhjálmsdóttir, mun bjóða upp á almenna leiðsögn um sýningarnar á morgun, laugardaginn 24. maí kl. 15 - 15:30.

Á sunnudeginum, 25. maí kl. 11.00 verður Heiða Björk svo með fjölskylduleiðsögn um sýningarnar. Að henni lokinni verður gestum boðið að búa til sitt eigið listaverk, innblásið af verkunum.

Hér má lesa umfjöllun akureyri.net um sýningu Þóru Sigurðardóttur, Tími-Rými-Efni.

Hér má lesa umfjöllun akureyri.net um sýningu Heimis Hlöðverssonar, Samlífi.

Þóra Sigurðardóttir, myndlistamaður og Heimir Hlöðversson, margmiðlunarlistamaður. Myndir: RH