Framhaldsskólar
ÍBV besta kvennaliðið og KA vann Þór tvisvar
16.08.2025 kl. 22:30
Kristín A. Jóhannsdóttir skorar fyrir KA/Þór gegn Stjörnunni í dag. Mynd: Skapti Hallgrímsson
ÍBV sigraði í keppni kvennaliða á KG sendibílamótinu í handbolta sem lauk í KA-heimilinu í dag. Fjögur kvennalið tóku þátt í þessu æfingamóti KA og KA/Þórs og tvö í karlaflokki, lið Akureyrarfélaganna.
ÍBV byrjaði á því að vinna Stjörnuna 25:21, sigraði síðan KA/Þór 28:18 í gær og í dag unnu Eyjastelpurnar annan 10 marka sigur, 25:15, á Gróttu.
Úrslit leikja á KG sendibílamóti kvenna:
Fimmtudagur
- KA/Þór – Grótta 32:24
- Stjarnan – ÍBV 21:25
Föstudagur
- KA/Þór – ÍBV 18:28
- Grótta – Stjarnan 28:25
Laugardagur
- ÍBV – Grótta 25:15
- Stjarnan – KA/Þór 26:21
Karlalið KA og Þórs mættust tvisvar á KG sendibílamótinu. KA vann fyrri leikinn 29:23 og KA-menn unnu aftur í dag en þá var munurinn eitt mark, 27:26.
