Covid-19
Einar Freyr semur áfram við Þór – til 2028
16.10.2025 kl. 21:00
Einar Freyr Halldórsson, unglingalandsliðsmaðurinn stórefnileg, hefur samið áfram við Þór - til þriggja ára. Mynd: Ármann Hinrik
Einar Freyr Halldórsson, knattspyrnumaðurinn stórefnilegi í Þór, hefur gert nýjan þriggja ára samning við félagið. Hann er því samningsbundinn Þór út keppnistímabilið 2028. Þetta var tilkynnt á samfélagsmiðlum Þórs í kvöld.
Einar Freyr var einn lykilmanna Þórs í sumar, 16 ára að aldri, þegar liðið tryggði sér sæti í Bestu deildinni á ný eftir langa fjarveru. Hann varð ekki 17 ára fyrr en nú síðla hausts.
„Einar var á dögunum valinn besti ungi leikmaður Lengjudeildarinnar 2025 en hann skoraði fjögur mörk í 19 leikjum okkar manna í sumar í deild og bikar,“ segir í tilkynningu félagsins. „Einar, sem er fæddur árið 2008, hefur leikið alls 32 leiki fyrir meistaraflokk Þórs auk þess að hafa leikið 20 landsleiki fyrir yngri landslið Íslands.“
