Íþróttir
Viðar Örn ekki áfram hjá KA eftir tímabilið
16.10.2025 kl. 15:15
Viðar Örn Kjartansson skorar hér fyrir KA gegn Silkeborg í Evrópukeppninni í sumar. Þetta gæti hafa verið síðasta mark Viðars í KA-treyjunni. Mynd: Rakel Hinriksdóttir.
Knattspyrnumaðurinn Viðar Örn Kjartansson er á förum frá KA eftir að samningur hans rennur út að loknu þessu keppnistímabili. Viðar hefur ekki fengið mörg tækifæri með KA í sumar og vill fá að spreyta sig þar sem hann fær að spila meira.
Viðar er 35 ára framherji og er að ljúka sínu öðru tímabili með KA. Hann kom til liðsins í fyrra eftir langa veru erlendis sem atvinnumaður og stóð sig vel seinni hluta sumars eftir að hafa komist í form. Í ár hefur tækifærunum fækkað mikið og síðari hluta sumars hefur hann mjög lítið komið við sögu hjá KA. Viðar segir í viðtali við fotbolti.net að hann hafi æft vel og sé í góðu standi og telji sig eiga 2-3 góð ár eftir í boltanum. Stefnan sé sett á að flytja suður og skoða þar næstu skref.
