Umfangsmikil leit að einstaklingi

Umfangsmikil leit að einstaklingi stendur yfir í Lunda- og Gerðahverfi á Akureyri. RÚV greindi fyrst frá og herma heimildir fréttastofunnar að  stúlku undir lögaldri sé leitað. Fram kemur að allar björgunarsveitir á Eyjafjarðarsvæðinu hafi verið kallaðar út til að aðstoða lögreglu við leitina.

Vísir segir að ekki sé talið að eitthvað saknæmt hafi átt sér stað. Í frétt Vísis segir að lögreglu hafi borist tilkynning um týndan einstakling fyrr í dag „og leit hafi þegar staðið yfir í nokkrar klukkustundir. Leitin beinist aðallega að svæði sunnan Glerár en leitað sé á allri Akureyri.“