TIL HAMINGJU MEÐ DAGINN, SJÓMENN!

Upp er runninn sunnudagurinn 1. júní – sjómannadagurinn. Hátíð var af því tilefni haldin í Sandgerðisbót í gær þar sem dyr verbúða stóðu öllum opnar; fjölmargir lögðu leið sína í Bótina, fólki gafst kostur á að smakka alls kyns sjávarfang auk þess sem grillaðar voru hátt í þúsund pylsur. Karlakór Akureyrar söng fyrir viðstadda og margir skoðuðu smábáta í höfninni. – Myndir úr Bótinni má sjá hér að neðan.

Síðdegis var minningarsigling með Húna lI um Pollinn; látinna sjómanna var minnst með því að blóm voru lögð í sjóinn að lokinni minningarstund séra Magnúsar Gunnarssonar.

Eitt og annað er á döfinni í dag á Akureyri í tilefni dagsins.

11.00 – Sjómannadagsguðþjónusta

• Messa í Glerárkirkju.
• Að athöfn lokinni verður blómsveigur frá sjómönnum lagður að minnismerki látinna sjómanna. Súpa í Safnaðarheimili í boði sjómannafélags Eyjafjarðar eftir athöfn.

13.00 – Afmælissýning ÚA

• Sýning opnuð í Iðnaðarsafninu á Akureyri í tilefni 80 ára afmælis Útgerðarfélags Akureyringa. Á sýningunni er saga og starfsemi félagsins rakin í máli, munum og myndum.
• Húsnæði Iðnaðarsafnsins er á Krókeyri. Frítt er inn á sýninguna þennan dag.

13.00 – Hópsigling smábáta og Húna II

• Húni siglir með bæjarbúa og hópsigling smábáta.
• Öll velkomin.
• Farið verður í fleiri ferðir ef aðsóknin verður góð.

GRÍMSEY
Kvenfélagið Baugur heldur kaffihlaðborð í félagsheimilinu Múla í dag, sunnudag.

• 10.00 Sigling
• 11.11 Sjómannadagsmessa í Hríseyjarkirkju, sjómaður heiðraður
• 12.00 Ferjumenn grilla pylsur á svæðinu, tæki björgunarsveitar og slökkviliðs til sýnis
• 13.00 Leikir og sprell á svæðinu og við smábátahöfnina
• 14.00 Opnun ljósmyndasýningarinnar Fegurð fjarða á Verbúðinni 66
• 15.00 Kaffisala í Íþróttamiðstöðinni
• 16.00 Sigling fyrir börnin á björgunarbátnum Kidda