Starfsfólk Nestanna safnaði fyrir KAON

Á árlegri jólagleði starfsfólks AK-INN, Leirunestis og Veganestis var ákveðið að efna til söfnunar og láta ágóðann renna til góðs málefnis. Að þessu sinni varð Krabbameinsfélag Akureyrar og nágrennis fyrir valinu og söfnuðust alls 200.000 krónur, sem afhentar voru félaginu nýverið.

Í tilkynningu frá fyrirtækinu segjast eigendurnir Markús Gústafsson og Róbert Már Kristinsson afar ánægðir með framtak starfsfólksins. „Við erum afar stoltir af starfsfólki okkar og þeirri samfélagslegu ábyrgð sem það sýnir í verki,“ segja þeir Markús og Róbert.