Sjómannadagur, Embla, Zimoun og ljósmyndir

Hvaða menningarviðburðir eru í boði á svæðinu þessa vikuna? Akureyri.net skellir í samantekt í byrjun hverrar viku, þar sem lesendur geta séð hvað verður á seyði og penslað inn í dagatalið.

Tónleikar

• Patti Smith Quartet – Menningarhúsinu Hofi, þriðjudaginn 2. júní kl. 20:00. Patti Smith er að nálgast áttrætt og er einn áhrifamesti listamaður sinnar kynslóðar; söngkona, lagasmiður, ljóðskáld og myndlistarkona.
• Kvennakórinn Embla – Glerárkirkju, sunnudaginn 7. júní kl. 17:00. Kvennakórinn Embla, Margrét Árnadóttir sópran og Erla Dóra Vogler mezzosópran, ásamt hljómsveit. Stjórnandi er Roar Kvam. Á efnisskránni eru verk fyrir kór, tvo einsöngvara og hljómsveit. Frumflutningur á Magnificat eftir Roar Kvam, ásamt Stabat Mater eftir Kim André Arnesen. Miðasala við innganginn.
• Ari Bald og Hermenn hugans – Græna hattinum, fimmtudaginn 4. júní kl. 21:00. Frumsamin tónlist með kántríívafi.
• Ívar Klausen – Græna hattinum, föstudaginn 5. júní kl. 21:00. Efnisskráin í léttari kantinum, í anda sálarskotinnar popprokk tónlistar af fyrstu sólóplötu Ívars sem kom út í apríl.
• Todmobile – Græna hattinum, sunnudaginn 6. júní kl. 21:00. Öll bestu lögin flutt, með áherslu á fjórar fyrstu breiðskífur sveitarinnar.

Viðburðir

• Sjómannadagurinn – sunnudaginn 7. júní. Fjölbreytt dagskrá um helgina, nánar kynnt fljótlega.
• Sjómannadagslög, söngvar og sprell – Diddú og Örn Árnason. Menningarhúsinu Hofi, laugardaginn 6. júní kl. 17. Létt dagskrá; sungin sjómannalög og önnur lög, grínað og sprellað. Skemmtistund sem enginn má missa af.
• Stefnumót við fortíðina – Ljósmyndasýning Álfkvenna. Sýningaropnun í Lystigarðinum, laugardaginn 6. júní kl. 15. Sýningin í ár er helguð 100 ára afmæli Ljósmyndarafélags Íslands. Unnið var út frá 100 ára gömlum ljósmyndum frá Akureyri, sem varðveittar eru á Minjasafninu, og nýjar myndir teknar á því sem næst sama stað og gömlu myndirnar. Sýningin stendur fram á vor 2027.
• Salsakvöld og ókeypis prufutími í salsa - Vamos. Fimmtudaginn 4. júní kl. 20.00.
• Íslenskuþjálfun Rauða krossins á Amtsbókasafninu - Alla miðvikudaga og fimmtudaga frá 16.30 til 18.00 út júní er boðið upp á íslenskuspjall fyrir öll sem vilja bæta sig í íslensku í góðum félagsskap.

Listsýningar

• Zimoun – Sýningaropnun. Listasafninu á Akureyri, fimmtudaginn 4. júní kl. 20. Svissneski listamaðurinn Zimoun hefur hlotið alþjóðlega athygli fyrir umfangsmiklar hljóðinnsetningar sínar og sýnt verk víða í söfnum og sýningarrýmum um allan heim. Verk hans umbreyta rýmum í lifandi skynjunarheim þar sem rými, vélrænir ferlar og hversdagsleg efni mynda þétt og næstum dáleiðandi andrúmsloft þar sem skynjun áhorfandans er í forgrunni. Sýningin er hluti af dagskrá Listahátíðar í Reykjavík 2026 og stendur til 6. september 2026.
• Belgir og baujur – Opin smiðja. Listasafninu á Akureyri, laugardaginn 6. júní frá 12-15. Í tilefni sjómannadagsins verður boðið upp á opna listsmiðju í tengslum við innsetningu svissneska listamannsins Zimoun sem skapar staðbundnar hljóðinnsetningar og skúlptúra sem að megninu til eru gerðar úr endurunnu efni úr daglegu lífi og iðnaði.
• Hédna – Menningarhúsinu Hofi. Sýning sextíu og eins félaga í Myndlistarfélaginu á Akureyri. Viðfangsefnin fjölbreytt þar sem tekist er á við tilveru í flóknum heimi með aðferðum myndlistar. Sýniningin er opin til 16. ágúst 2026.
• Sjálfsástarvírus - Minnisvarði #3 – Katrín Inga Jónsdóttir Hjördísardóttir. Listasafnið á Akureyri. Útilistaverk á svölum safnsins.
• Saga Íslands: 2. hluti – Eiríkur Páll Sveinsson. Listasafnið á Akureyri. Sýningin stendur til 16. ágúst 2026.
• Guð launi þér – Úlfur Logason. Listasafnið á Akureyri. Sýningin stendur til 16. ágúst 2026.
• Hughrif - Litir - Form I – Valin verk fyrir sköpun og fræðslu. Listasafnið á Akureyri. Sýningin stendur til 7. mars 2027.
• Sýning um heilagan fugl – Örlygur Kristfinnsson. Listasafnið á Akureyri. Sýningin stendur til 6. september 2026.
• Andlegar verðmætavindur Magnúsar – Magnús Helgason. Listasafnið á Akureyri. Sýningin stendur til 6. september 2026.
• S-I-L-I-C-A-0-3 – Hulda Rós Guðnadóttir. Listasafnið á Akureyri. Sýningin stendur til 6. september 2026.
• Ný aðföng í safneign – Kristín Gunnlaugsdóttir. Listasafnið á Akureyri. Sýningin stendur til 6. september 2026.
• Opnun ársins – Brák Jónsdóttir. Flóra menningarhús, Sigurhæðum. Sýningin stendur til 10. október.
• Enginn fyrirvari – Mjólkurbúðinni. Samsýning 10 myndlistarmanna. Sýningin stendur til 6. júní.

Endilega hafðu samband á valur@akureyri.net ef að þú vilt koma þínum viðburði á listann. Hann þarf að vera opinn öllum.