Samstarf um brunamál og almannavarnir skoðað

Skoðaðir verða möguleikar á samstarfi Akureyrarbæjar við Norðurþing um brunamál og almannavarnir og við Þingeyjarsveit um rekstur slökkviliða. 

Bæjarráð fjallaði í gær um erindi frá þessum tveimur sveitarffélögum, annars vegar frá Norðurþingi og hins vegar frá Þingeyjarsveit, en bæði sveitarfélögin óska eftir formlegu samtali um samstarf. Bæjarráð fól bæjarstjóra, sviðsstjóra umhverfis- og mannvirkjasviðs og sviðsstjóra fjársýslusviðs, í samstarfi við slökkviliðsstjóra Akureyrar að greina möguleika á samstarfi um málaflokk brunamála og almannavarnir.