Norðlensk hönnun og handverk í Hlíðarbæ

Haustsýning Norðlenskrar hönnunar og handverks verður í Hlíðarbæ, skammt norðan Akureyrar, um komandi helgi, 17. og 18. október.

„Sýningin er árleg og hefur fyrir löngu skapað sér sess meðal fjölmargra Norðlendinga og gesta,“ segir í tilkynningu frá Kristínu S. Bjarnadóttur hjá Blúndum og blómum og Vonarbrú og Kjartani Reyni Ólafssyni hjá KRÓ Design fyrir hönd þátttakenda. 

Opið er frá klukkan 11 til 17 bæði á laugardag og sunnudag.

„Vandaðar vörur úr héraði, milliliðalaust úr höndum hönnuða, handverksfólks og sælkerameistara,“ segir í tilkynningunni. 

„Glæsilegur kökubasar góðgerðarfélaga, kertasala o.fl. Ilmandi kaffi og tilvalinn vettvangur til gera sér glaðan dag og góð kaup í leiðinni. Frítt inn og öll hjartanlega velkomin.“

• Blúndur og blóm
• KRÓ Design
• Anita Karin Guttesen
• BRYN – Design
• Draumablá
• Garðurinn minn
• Helena saumar
• Jónsdóttir & co
• Kristjana Agnarsdóttir
• Liljugaldur
• Ósk barnaföt
• Sillukot – Handgerðar íslenskar heimilisvörur
• Sif hannar
• Tréskurður
• Urtasmiðjan
• Ögn Icelandic bækurnar
• Öxnhóls Handverk

• Huldubúð
• R-rabarbari
• Reykkofinn við höfnina

• Laugardagur: Lionsklúbburinn Ylfa
• Sunnudagur: Kvenfélag Svalbarðsstrandar

Þess er einnig getið að Vonarbrú verður með kertasölu og fleira til styrktar barnafjölskyldum á Gasa.