Markaregn þegar Ísland burstaði Lúxemborg
Íslensku strákarnir í landsliði 18 ára og yngri í íshokkí sigruðu jafnaldra sína frá Lúxemborg mjög auðveldlega, 13:0, Í gærkvöldi í A-riðli 3. deildar heimsmeistaramótsins í Skautahöllinni á Akureyri. Ísland hefur þar með unnið alla fjóra leikina til þessa.
Lið Lúxemborgar er það slakasta í riðlinum og vitað mál að það ætti enga möguleika gegn Íslandi. Staðan var þó ekki nema 3:0 eftir fyrsta leikhluta, Ísland gerði aftur þrjú mörk í þeim næsta en í þriðja og síðasta leikhlutanum skoruðu íslensku strákarnir sjö sinnum. Íslenska liðið átti 59 skot í leiknum en mótherjinn 16.
Ekki er leikið í riðlinum í dag en síðasta umferðin fer fram á morgun:
- 11.00 Bosnía og Herzegóvína - Tyrkland
- 14.30 Mexíkó - Lúxemborg
- 18.00 Ísland - Ísrael
Fyrir síðustu umferð er Ísland með 12 stig og Ísrael 9. Ísraelsmenn hafa leikið vel á mótinu en töpuðu óvænt fyrir liði Mexíkó. Íslandi dugar því jafntefli í hefðbundnum leiktíma til þess að vinna riðilinn og tryggja sér þar með sæti í 2. deild HM að ári.
Mörkin í gær:
- 1:0 Viktor Mojzyszek (01:30)
- 2:0 Arnar Karvelsson (01:48)
- 3:0 Birkir Einisson (11:42)
- 4:0 Arnar Karvelsson (23:40)
- 5:0 Ormur Jónsson (24:44)
- 6:0 Ólafur Björgvinsson (37:37)
- 7:0 Ormur Jónsson (42:13)
- 8:0 Helgi Bjarnason (43:33)
- 9:0 Birkir Einisson (45:17)
- 10:0 Haukar Karvelsson (45:41)
- 11:0 Arnar Karvelsson (49:18)
- 12:0 Ólafur Björgvinsson (53:06)
- 13:0 Uni Blöndal (55:50)
Hér er svo listi yfir mörk, fremri talan, og stoðsendingar í leiknum:
- Uni Blöndal 1/5
- Ormur Jónsson 2/2
- Birkir Einisson 2/2
- Arnar Karvelsson 3/0
- Arnar Kristjánsson 0/3
- Ólafur Björgvinsson 2/0
- Haukur Karvelsson 2/0
- Viktor Mojzyszek 1/1
- Hektor Hrólfsson 0/2
- Helgi Bjarnason 1/0
- Ýmir Hafliðason 0/2
- Daníel Ryan 0/1
- Haukur Steinsen 0/1
Hér að neðan eru nokkrar myndir sem Stefán Oddur Hrafnsson tók í leik Íslands og Lúxemborgar í gær.
