Lögreglan leitar að 75 ára konu

 

- - -

Lögreglan á Norðurlandi eystra sendi frá sér tilkynningu núna í morgunsárið.

 

Leitað er að 75 ára gamalli konu með heilabilun sem talin er hafa farið út úr húsi á miðbæjarsvæðinu um kl. 4 í nótt. Konan er um 165 sm að hæð, þéttvaxin með grátt, millisítt hár. Hún gæti verið klædd í grænar joggingbuxur og er mögulega berfætt eða í inniskóm. 

 

Lögreglan biður fólk sem hefur séð til ferða konunnar að láta vita í síma 112. Þá eru íbúar, sérstaklega á miðbæjarsvæðinu og hverfum í kringum það, beðnir um að skoða í kringum hús sín, í garðhús og aðra staði þar sem mögulegt er að komast inn.