Listin lifir í undirgöngunum
Undirgöngin undir Hörgárbraut, skammt frá Boganum, fengu nýverið yfirhalningu þegar veggirnir voru málaðir hvítir. Göngin höfðu um nokkurt skeið verið þakin veggjakroti og ýmiss konar myndum. Veggirnir fengu þó ekki að standa lengi tómir.
Einhver hugmyndaríkur bæjarbúi hefur nefnilega hengt upp tvö innrömmuð listaverk á veggina í göngunum og þannig breytt þeim í lítið götugallerí. Íbúi á Akureyri vakti athygli á þessu skemmtilega framtaki á Facebook og velti fyrir sér hvort þarna gæti jafnvel orðið til nýtt listrými í bænum. „Snillingarnir í hverfinu hafa þegar hengt upp tvær gullfallegar, innrammaðar myndir,“ skrifaði viðkomandi og bætti við að gaman væri ef fleiri verk bættust við því myndirnar lífga upp á göngin
Undirgöngin undir Hörgárbraut hafa lengi verið þakin veggjakroti og graffítiverkum. Nú er komið annað yfirbragð á þau.
Myndin í rammanum sem er í stíl Picasso hangir nú uppi í göngunum.
Framtakið vekur óneitanlega upp spurningu um það hvort undirgöng bæjarins gætu í auknum mæli nýst sem vettvangur fyrir myndlist og götulist? Víða má nú þegar finna litríka veggjalist í undirgöngum í bænum en fólki greinir á hvort slík verk séu falleg.
Verkin sem voru í göngunum við Hörgárbraut fengu a.m.k ekki að lifa - en meðfylgjandi eru myndir sem Haraldur Ingólfsson hefur tekið í nokkrum af undirgöngum bæjarins.
Veggirnir í undirgöngunum undir Hörgárbraut voru nokkuð skrautlegir áður en þeir voru málaðir hvítir.
Þessi mynd af Donald Trump er við undirgöngin við Miðhúsbraut.
Undirgöngin við Miðhúsabraut í ágúst 2025.
Þessi mynd er frá undirgöngunum undir Borgarbraut.