Krummafótur, tónleikar, sýningar og smiðjur

Hvaða viðburðir á sviði menningar og mannlífs eru í boði á svæðinu þessa vikuna? Akureyri.net skellir í samantekt í byrjun hverrar viku, þar sem lesendur geta séð hvað verður á seyði og penslað inn í dagatalið.  Eitthvað er um að vera alla daga vikunnar og listinn verður uppfærður jafnóðum og fréttist af nýjum viðburðum.

Listasumar á Akureyri stendur nú sem hæst, með alls konar viðburðum um allan bæ fyrir fólk á öllum aldri. Ókeypis er á alla viðburði Listasumars. Alla viðburði Listasumars má finna á þessari síðu en hér að neðan er stiklað á stóru, inn á milli annarra viðburða í bænum.

Tónleikar

• Miðvikudjass á Majó – Majó, Hofi, miðvikudaginn 8. júlí kl. 16-17. THE tríó flytur létta og sumarlega djasstóna. Tríóið skipa þau Erla Mist Magnúsdóttir söngkona, Hallgrímur Jónas Ómarsson á gítar og Tómas Leó Halldórsson á bassa.
• Pétur Ben – Græna hattinum, fimmtudag 9. júlí kl. 21. „Pétur er þekktur fyrir ófyrirsjáanlegar og fjölbreyttar tónleikaupplifanir þar sem hann fléttar saman eigin ólíkum lagasmíðum við óvæntar og skemmtilegar ábreiður,“ segir í kynningu.

• Strákurinn fákurinn – Leyni, föstudaginn 11. júlí kl. 21. Strákurinn fákurinn fagnar útgáfu plötunnar „Drengurinn fengurinn".
• JóiPé x Króli og hljómsveit – Græna hattinum, föstudag 10. júlí kl. 21. „JóiPé og Króli eru á Græna hattinum með stórdansleik ársins. Og þau frábærustu skemmtiatriði sem þið getið ímyndað ykkur,“ segir í kynningu.
• Amor Vincit Omnia – Leyni, föstudag 10. júlí kl. 21. „Tvíeykið Amor Vincit Omnia steig fyrst á sjónarsviðið árið 2023 og hefur síðan alltaf komið áheyrendum á óvart með skringipoppi sínu,“ segir í kynningu.
• Mugison – Lystigarðinum, laugardag 11. júlí kl. 15. „Elska að labba þarna um, þarna fæddist hluti af besta laginu mínu sem heitir Stingum af - þykir endalaust vænt um þennan garð,“ segir Mugison.
• Sumartónleikar - Björn Steinar – Akureyrarkirkju, sunnudaginn 12. júlí kl. 17. Björn Steinar Sólbergsson, upphafsmaður Sumartónleika í Akureyrarkirkju, leikur nú á hátíðinni í tilefni 40 ára afmælis hennar. Á efnisskrá eru verk eftir Johann Sebastian Bach, Louis Vierne, Pál Ísólfsson, Daníel Þorsteinsson og Báru Grímsdóttur, auk þess sem Björn Steinar frumflytur nýtt Afmælisfanfar eftir Þorvald Örn Davíðsson.

Viðburðir

• Náttúruval - kynning á nýju spili – Amtsbókasafninu, þriðjudaginn 7. júlí kl. 14-16.. „Komdu og spilaðu við okkur Náttúruval, vísindalegt dýraspil fyrir börn á öllum aldri,“ segir í kynningu. Hægt verður að kaupa spilið á staðnum en auk þess fær bókasafnið eintak að gjöf sem hægt er að fá lánað.
• Hríseyjarhátíð –  föstudaginn 10. júlí og laugardaginn 11. júlí. Árleg hátíð í Hrísey með fjölmörgum viðburðum. Boðið er upp á fjölskylduvæna dagskrá sem felst m.a. í garðakaffi, óvissuferðum um eyjuna, kvöldvöku, markaði, kaffisölu, ratleik, kirkjutröppuhlaupi, varðeld og söng.
• Krummafótur – Grasrótarsviðslistahátíð, haldin í fyrsta sinn. Hátíðin leggur sérstaka áherslu á að gefa ungu og upprennandi sviðslistafólki tækifæri og vettvang til að sýna verk sín. Fjölbreyttir viðburðir dagana 10.-12. júlí. Frítt inn á alla viðburði.
• Hreyfimyndasmiðja – Kaktus, sunnudaginn 12. júlí kl. 12-14. Smiðjan byggir á skemmtilegri animation-aðferð sem kallast metamorphosis. Í þessu ferli er hægt að sjá töfra teiknimyndagerðar á einfaldan og skemmtilegan máta.

Listsýningar

• Í ágripi // Synopsis – Sýningaropnun í Deiglunni mánudaginn 6. júlí kl. 13. Í þessari seríu lágmynda fangar Toggi / Þorgeir Ólason óræðar tilfinningar og upplifanir úr eigin lífi. Öll verkin á sýningunni eru unninn á kopar, þar sem listamaðurinn beitir ætingu eða patineringu til að framkalla fjölbreytt óhlutbundin form, liti og línur. Auk sýningaropnunar mánudaginn 6. júlí kl. 13-20 er sýningin opin 7.-16. júlí kl. 13-17.
• Leðjukrampi - Björn Heimir Önundarson – Sýningaropnun í Kaktus föstudaginn 11. júlí kl. 17. Í verkum sínum notast hann einna helst við narratífu og frásögn sem má rekja til ástar hans á teiknimyndum og teiknimyndasögum. Afbökun og fáránleiki eru hans helstu tól til að snúa upp á veruleikann og draga þannig fram hina sönnu óreiðu mannskepnunnar og sturlun heimsins. Auk föstudags kl. 17-19 verður sýningin opin laugardaginn 12. júlí og sunnudaginn 13. júlí kl. 13-17.
• Hédna – Menningarhúsinu Hofi. Sýning sextíu og eins félaga í Myndlistarfélaginu á Akureyri. Viðfangsefnin fjölbreytt þar sem tekist er á við tilveru í flóknum heimi með aðferðum myndlistar. Sýniningin er opin til 16. ágúst 2026.
• Sjálfsástarvírus - Minnisvarði #3 – Katrín Inga Jónsdóttir Hjördísardóttir. Listasafnið á Akureyri. Útilistaverk á svölum safnsins.
• Zimoun – Listasafnið á Akureyri. Sýningin stendur til 6. september 2026.
• Saga Íslands: 2. hluti – Eiríkur Páll Sveinsson. Listasafnið á Akureyri. Sýningin stendur til 16. ágúst 2026.
• Guð launi þér – Úlfur Logason. Listasafnið á Akureyri. Sýningin stendur til 16. ágúst 2026.
• Hughrif - Litir - Form I – Valin verk fyrir sköpun og fræðslu. Listasafnið á Akureyri. Sýningin stendur til 7. mars 2027.
• Sýning um heilagan fugl – Örlygur Kristfinnsson. Listasafnið á Akureyri. Sýningin stendur til 6. september 2026.
• Andlegar verðmætavindur Magnúsar – Magnús Helgason. Listasafnið á Akureyri. Sýningin stendur til 6. september 2026.
• S-I-L-I-C-A-0-3 – Hulda Rós Guðnadóttir. Listasafnið á Akureyri. Sýningin stendur til 6. september 2026.
• Ný aðföng í safneign – Kristín Gunnlaugsdóttir. Listasafnið á Akureyri. Sýningin stendur til 6. september 2026.
• Opnun ársins – Brák Jónsdóttir. Flóra menningarhús, Sigurhæðum. Sýningin stendur til 10. október 2026.

Endilega hafðu samband á valur@akureyri.net ef að þú vilt koma þínum viðburði á listann. Hann þarf að vera opinn öllum.