Íþróttir
KA/Þór mætir ÍBV í Eyjum í bikarkeppninni
08.11.2022 kl. 13:01
Matea Lonac, markvörður KA/Þórs, og liðsfélagar hennar mæta ÍBV í Eyjum í bikarkeppninni. Ljósmynd: Skapti Hallgrímsson
KA/Þór dróst gegn ÍBV í 16-liða úrslitum bikarkeppni kvenna í handbolta. Dregið var í morgun og er þetta eina viðureignin þar sem lið úr efstu deild Íslandsmótsins mætast. Leikurinn fer fram í Vestmannaeyjum þriðjudaginn 15. eða miðvikudaginn 16. nóvember.
Aðrir leikir í 16-liða úrslitunum eru þessir:
- Víkingur - Fjölnir/Fylkir
- ÍR - HK
- Afturelding - Stjarnan
- FH - Selfoss
- Grótta - Haukar
Tvö lið sátu hjá og komst því beint í átta liða úrslitin: bikarmeistarar Vals og Íslandsmeistarar Fram.
