Íþróttir
KA sækir meistara Breiðabliks heim í dag
03.08.2025 kl. 12:30
Hallgrímur Mar Steingrímsson skorar úr vítaspyrnu gegn danska liðinu Silkeborg í Sambandsdeild Evrópu á fimmtudaginn. Mynd: Rakel Hinriksdóttir
KA-menn mæta Íslandsmeisturum Breiðabliks í dag í Kópavogi í Bestu deildinni í knattspyrnu. Fyrri leik liðanna í sumar lauk með 1:0 sigri Breiðabliks á Greifavelli KA.
- Besta deild karla í knattspyrnu, 17. umferð
Kópavogsvöllur kl. 16.30
Breiðablik - KA
Að loknum 16 umferðum er KA í 10. sæti með 18 stig. KR tapaði í gær fyrir ÍBV og er með 17 stig úr 17 leikjum og ÍA er neðst með 15 stig að loknum 16 leikjum og mætir Val á þriðjudaginn.
Breiðablik er í þriðja sæti deildarinnar, Valur er efstur með 33 stig að loknum 16 leikjum, Víkingur og Breiðablik eru bæði með 31 stig en Víkingur er með betri markamun.
