Íþróttir
KA-menn mæta PAOK í Evrópudeild ungmenna
22.10.2025 kl. 06:00
KA-strákarnir fagna markinu sem kom þeim áfram í Evrópukeppninn um daginn. Það var fyrirliðinn, Þórir Hrafn Ellertsson fyrir miðri mynd, sem skoraði sigurmarkið gegn FS Jelgava frá Lettlandi. Myndir: Skapti Hallgrímsson
Í dag fer fram Evrópuleikur í knattspyrnu á Greifavelli KA, þegar 2. flokkur félagsins – U20 lið – tekur á móti gríska liðinu PAOK í 2. umferð Evrópudeildar ungmanna, UEFA Youth League. KA sló út lettneska liðið FS Jelgava í fyrstu umferðinni með 2:2 jafntefli í Lettlandi og 1:0 sigri hér heima.
- UEFA Youth Leauge
Greifavöllurinn kl. 14
KA - PAOK
Seinni leikur liðanna fer fram eftir tvær vikur, miðvikudaginn 5. nóvember, á Kaftanzoglio-vellinum í Þessalóníku í Grikklandi.
Lið KA varð Íslandsmeistari í 2. aldursflokki á síðasta ári.
